Ali təhsil müəssisələrində ömürboyu təhsilin təşkili üzrə işin sistemi avtoreferat

Abstract

Tədqiqatın məqsədi ömürboyu təhsilin təşkili üzrə işin mövcud vəziyyətini, onun güclü və zəif tərəflərini, o cümlədən bu işin inkişafına şərait yaradan və ya maneə törədən amilləri müəyyən edərək qiymətləndirmək, ömürboyu təhsilin təşkili üzrə işin sistemini formalaşdırmaqdan ibarətdir. Ali təhsil müəssisələrində ömürboyu təhsilin təşkili üzrə işin sistemi yaradılmışdır. Ömürboyu təhsillə bağlı beynəlxalq səviyyədə qəbul edilmiş elmi-nəzəri çərçivə və yanaşmalar əsas götürülməklə Azərbaycan nümunəsində elmi metodlardan faydalanmaqla bu sistem formalaşdırılmışdır. Bu sistemə daxildir: problemin mahiyyəti, məqsəd və vəzifələri, ömürboyu təhsilin həyata keçirilməsinin səmərəli forma və yolları, prinsip və metodları. Tədqiqatın nəzəri əhəmiyyəti onunla əsaslandırılır ki, aparılan tədqiqat pedaqogika nəzəriyyəsini yeni ideyalarla zənginləşdirəcəkdir. Eyni zamanda, ömürboyu təhsillə bağlı Azərbaycan Respublikası səviyyəsində konsepsiya sənədinin və yol xəritəsinin hazırlanmasına qərar veriləcəyi təqdirdə, onun nəzəri bazasının formalaşdırılması üçün bu tədqiqat önəmli rol oynana bilər.