Dəri xəstəlikləri olan insanların təhsil səviyyələrinə görə depressiyanın öyrənilməsi

Abstract

Dissertasiya işi dəri xəstəlikləri olan insanların təhsil səviyyələrinə görə depressiyanın öyrənilməsinə həsr edilmişdir. İşin əsas məqsədi dəri xəstələrində təzahür edən depressiyanın təhsil səviyyəsi ilə əlaqəsini ətraflı təhlil və tədqiq etməkdir. Tədqiqat işinin nəzəri hissəsində dəri xəstəliklərinin klinik-psixoloji mahiyəti təhlil olunmuş, dəri xəstəliklərinin psixosomatikası və somatopsixologiyası öyrənilmiş, dəri xəstələrinin sosial-psixoloji vəziyyətinə nəzər yetirilmiş, dəri xəstələrinin sosial-demoqrafik vəziyyəti müəyyənləşdirilmiş, depressiyanın klinik-psixoloji mahiyyətini ətraflı şəkildə açıqlanmış, dəri xəstəliklərinin depressiyanın yaranmasında rolu müəyyən olunmuşdur. Dissertasiya işinin tədqiqat hissəsi mövzunun araşdırılmasına həsr edilmişdir. Tədqiqat işin 100 nəfər 25-65 yaş həddində dəri xəstələri iştirak etmişdir. Tədqiqat Respublika Dəri Zöhrəvi Mərkəzində aparılmışdır. Depressiyanın diaqnostikası üçün Hamilton depressiya reytinqi cədvəli istifadə edilmişdir. Alınan məlumatların statistik təhlili üçün IBM SPSS (29.0) proqramında T-test istifadə edilmişdir.