Süni İntellekt Əsaslı Tövsiyə Sistemlərinin Turistlərin Seçim Prosesinə və Məmnuniyyətinə Təsirlərinin qiymətləndirilməsi

Abstract

Müasir dövrdə texnologiyanın sürətli inkişafı, xüsusilə süni intellektin müxtəlif sahələrdə tətbiqi, istifadəçi yönümlü xidmətlərin keyfiyyətini və effektivliyini artırmağa imkan yaradır. Turizm sektoru da bu inkişafdan təsirlənərək fərdiləşdirilmiş tövsiyə sistemlərinin istifadəsini genişləndirir. Turistlərin maraq və ehtiyaclarına uyğun təkliflər təqdim edən bu sistemlər, istifadəçi təcrübəsinin və məmnuniyyətinin artırılmasında mühüm rol oynayır və bununla da seçim prosesində əhəmiyyətli yer tutur. Psixoloji profilə əsaslanan fərdiləşdirmə isə tövsiyələrin daha məqsədyönlü olmasına şərait yaradır. Bu kontekstdə Big Five modeli istifadəçinin fərdi xüsusiyyətlərini qiymətləndirmək və sistemlərin uyğunluğunu artırmaq üçün əlverişli bir çərçivə təqdim edir. Mövzunun aktuallığı məhz bu texnoloji və davranış yönümlü yanaşmaların turizmdə sintez olunmasından irəli gəlir. İşin nəticələri turizm sahəsində fəaliyyət göstərən platformalar və texnoloji xidmət təminatçıları üçün real tətbiq sahəsinə malikdir. Psixoloji profilləşdirməyə əsaslanan sistemlər vasitəsilə daha dəqiq və fərdi tövsiyələr verilə bilər, bu da istifadəçi məmnuniyyətini və xidmət keyfiyyətini artırmağa imkan verir.