Azərbaycan cəmiyyətinin sosial-mədəni inkişafinin gender aspektləri

Abstract

Dövrün tələblərinə uyğun olaraq müasir təhsil və tərbiyə problemlərinin araşdırılması və tətbiqi milli inkişafın zəruri məsələlərindəndir. Xüsusilə, müasir təhsil və tərbiyənin gender meyarları çərçivəsində reallaşdığını nəzərə alsaq, bu sahədə aparılan tədqiqatların nə qədər önəmli olduğunu anlaya bilərik. Şəxsiyyəti formalaşdıran təlim-tərbiyə məsələlərində gender meyarlarının nəzərə alınmaması, müasir şəxsiyyətin yetişdirilməsində böyük problemlər yaradır. Onların aradan qaldırılması üçün postneoklassik gender sosiallaşması və pedaqogikası məsələlərinin araşdırılması zəruridir. Çünki bu sahəni araşdırmadan təhsil və tərbiyə sahəsində, həmçinin cəmiyyətdə gender bərabərliyini təmin etmək mümkün deyildir.