Universitet tələbələrində akademik təxirə salmaya təsir göstərən sosial-psixoloji faktorlar

Abstract

Universitet tələbələrinin həyatında tez-tez özünü göstərən akademik təxirə salma davranışının neqativ təsirləri tələbələrin həyatının hər bir sferasında özünü göstərir. Aparılan tədqiqatlardan da məlum olur ki, bu sadə bir hal deyildir və akademik sahədə olmaqla yanaşı, şəxsi psixoloji durumunda da müxtəlif problemlərlə nəticələnir. Təxirə salma davarnışının təsnifatına nəzər yetirdikdə görürük ki, bu problemin ən geniş yayılmış növü, xüsusilə də, tələbələrin həyatına təsir edən akademik təxirə salmadır. Aparılan araşdırmanın gedişatında da məlum olmuşdur ki, bir çox müəlliflər təxirə salma davranışını tələbənin gözlənilən mənfi nəticələrə baxmayaraq, könüllü olaraq vacib işləri gecikdirməsi kimi başa düşmüşdürlər.