Azərbaycanın cənub-şərq bölgəsinin Son Tunc-İlk Dəmir dövrü kurqanları və daş qutu qəbirləri (Lerik və Yardımlı rayonlarının materialları əsasında)

Abstract

1986-cı ildə yaradılmış “Talış-Muğan” arxeoloji ekspedisiyasının aşkar etdiyi abidələr içərisində Tunc və Dəmir dövrlərinə aid qəbir abidələri çoxluq təşkil edir [1, s. 49]. Cənubi Qafqazda Son Tunc-İlk Dəmir dövründə sosial-iqtisadi vəziyyəti əks etdirən əsas arxeoloji mədəniyyətlərdən biri Talış-Muğan mədəniyyətidir. Bu mədəniyyət Muğan düzü, Lənkəran düzənliyi və Talış dağlarını əhatə edir. Məlumdur ki, əgər e.ə. III minillikdə təsərrüfatda əkinçilik üstünlüyə malik idisə, e.ə. II minillikdə yarımköçəri və köçəri maldarlıq təsərrüfatı başlıca sahəyə çevrilmişdi [2, s. 36]. Bu dövrdə Azər-baycanın Cənub-şərq bölgəsində təsərrüfat həyatını daha dərindən tədqiq etmək üçün “Talış-Muğan” arxeoloji ekspedisiyası Lerik və Yardımlı ra-yonları ərazisindəki Son Tunc-İlk Dəmir dövrü qəbir abidələrinin öyrənil-məsini qarşıya məqsəd qoyulmuşdur.