Şamların taksonomiyası, biomorfoloji və rentgenoloji xüsusiyyətləri. Metodik vəsait

Abstract

Kitabda Abşeron yarımadasına introduksiya olunmuş şam növlərinin taksonomiki, biomorfoloji və rentgenolojixüsusiyyətləri öz əksini tapmışdır. O cümlədən 11 şam növündən olan bitkilərin həyat forması, hündürlüyü, dirək gövdəsinin diametri, gövdə qabığının rəngi, səthinin teksturası, çətirinin forması, budaq və zoğlarının rəngi, tumurcuqların morfologiyası, iynəyarpaqların əlamət və ölçüləri, iynə dəstinin qını, qozaların forma və yetişmə müddətləri, rəngi, ölçüləri və qalxancığının göstəriciləri, toxumların forması, rəngi və ölçüləri, cücərtilərin ləpə sayı və hipokotilinin uzunluğu kimi diaqnostik əhəmiyyətli 20 biomorfoloji əlamət və xüsusiyyətləri təsvir edilimişdir. Toxumların həyatiliyi, orta inkişaf sinfi və morfostrukturunun rentgenoloji təhlili verilmişdir. Faktiki dəlillər əsasında öyrənilən şam növlərinin hərfli-rəqəmsal politomik təyinat açarı tərtib edilmişdir. Həmin açardan istifadə etməklə biomorfoloji cəhətdən çətin seçilən və mübahisəli şam növlərini çevik surətdə və kifayətedici dəqiqliklə təyin etmək olar. Kitab botaniklər, sistematiklər, intoduktorlar, biomüxtəliflik mütəxəssisləri, biologiya və kənd təsərrüfatı ixtisasları üzrə müəllim və tələbələr üçün nəzərdə tutulmuşdur.