İnklüziv təhsildə müəllim-valideyn əməkdaşlıq modellərinin əhəmiyyəti

Abstract

Bu magistr dissertasiyası “İnklüziv təhsildə müəllim-valideyn əməkdaşlıq modellərinin əhəmiyyəti” mövzusuna həsr olunmuşdur. Tədqiqatın əsas məqsədi inklüziv təhsil mühitində müəllimlə valideyn arasında əməkdaşlığın şagirdlərin akademik, sosial və emosional inkişafına təsirini araşdırmaqdır. Tədqiqatda qarışıq metodlardan istifadə olunmuş, 150 nəfəri əhatə edən müəllim və valideynlər arasında 24 sualdan ibarət onlayn sorğu keçirilmişdir. Sorğunun etibarlılığı Cronbach’s Alpha = 0.872 kimi yüksək nəticə göstərmişdir. Analiz nəticələri müəllim-valideyn əməkdaşlığı ilə maarifləndirici tədbirlərdə iştirak arasında güclü müsbət korelyasiya olduğunu (r ≈ 0.52, p < 0.01) ortaya qoymuşdur. Respondentlərin 15–20%-i şagird nailiyyətlərində birgə dəstəyin əhəmiyyətli təsir göstərdiyini, 7–10%-i isə davamlı ünsiyyətin uğurun əsas açarı olduğunu bildirmişdir. Nəticələr əməkdaşlığın şagirdlərin dərsə marağını, özünəinamını və sosial uyğunlaşmasını artırdığını sübut edir. Dissertasiyada inklüziv təhsildə əməkdaşlığın gücləndirilməsi üçün hüquqi bazanın təkmilləşdirilməsi, məktəblərdə müəllim valideyn əlaqələrinin möhkəmləndirilməsi məqsədilə strukturlaşdırılmış mexanizmlər qurulmalı, davamlı maarifləndirmə seminar və layihələrin təşkili həyata keçirilməlidir.