Ümumi metrologiya və kalibrasiya nəzəriyyəsi. Monoqrafiya.

Abstract

Monoqrafiyada aparılan tədqiqat işlərinin nəticəsi olaraq müasir tələblərə cavab verən, innovasiya metodlarına əsaslanan мetrologiya və kalibrləmə laboratoriyalarının yaradılması və təkmilləşdirilməsi istiqamətində müəllifin elmi araşdırmaları öz əksini tapmışdır. Müəssisələrin мetrologiya və kalibrləmə laboratoriyalarında yeni metod və cihazlar vasitəsilə aparılan keyfiyyətə nəzarət işlərinin elmi əsasları və nəticələri göstərilmişdir. Yaradılmış metod və cihazlarla beynəlxalq standartlara uğun fiziki proseslərin ölçmə metodlarının tətbiqi məsələləri araşdırılmışdır. Nəticədə, müəssisələrdə yeni, analoqu olmayan keyfiyyətə nəzarət stendləri, qurğu və metodları işlənib hazırlanmışdır. Eyni zamanda, xüsusi təyinatlı məmulatların yaradılmasının inkişafı sisteminin müxtəlif mərhələlərində iştirak edən əsas təşkilatların və icraçıların vəzifələri, xüsusi təyinatlı məmulatların yaradılmasının ümumi və xüsusi halları, mərhələlər üzrə əsas məsələlərin həlli, eyni zamanda sistemin idarə olunmasında obyektiv və subyektiv amillərin rolu araşdırılmışdır. Monoqrafiyada optoelektron cihazların hazırlanması texnologiyasının nəzəri əsasları qısa və konkret şəkildə öz əksini tapmışdır. Belə ki, texnoloji proseslərin tərkibi, layihələndirilməsi, avtomatlaşdırılması, modelləşdirilməsi, etibarlılığı, sınaqların keçirilməsi üsulları və s. məsələlərə baxılmışdır. Monoqrafiya elmi və texniki işçilər, ali məktəblərin bakalavr, magistr və doktorantları üçün nəzərdə tutulmuşdur.