DSpace Community:
http://hdl.handle.net/20.500.12323/160
2024-03-29T09:48:42ZSon Tuncdan Erkən Dəmirə keçid dövrünün kurqanları haqqında (Plovdağ nekropollarının materialları əsasında)
http://hdl.handle.net/20.500.12323/5476
Title: Son Tuncdan Erkən Dəmirə keçid dövrünün kurqanları haqqında (Plovdağ nekropollarının materialları əsasında)
Authors: İbrahimli, Bəhlul; Əliyev, Elvin
Abstract: Plovdağ nekropollarında aparılan arxeoloji tədqiqatlar Son Tunc–Erkən Dəmir dövründə qəbir abidələrində kəskin dəyişikliklərin baş verdiyini gös-tərdi. Bu dəyişikliklər həm qəbirlərin quruluşunda, həm dəfn adətində, həm də aşkar edilmiş avadanlıqda izlənir. Əlbəttə ki, qəbir abidələrində baş verən bu dəyişikliklər qədim cəmiyyətin mənəvi həyatında baş verən dəyişikliklərlə sıx bağlı olmuşdur. Bu dövr, quldarlıq quruluşunun yaranması, dövlətlərin meydana gəlməsi, sinifli cəmiyyətin inkişaf etdiyi bir dövr idi.
Erkən Tunc dövrünün qəbir abidələri ilə Son Tunc dövrünün qəbir abi-dələri arasındakı fərqliliklər məhz qədim cəmiyyətin inkişafında baş verən köklü dəyişikliklərin inikasıdır. Bu fərqlilikləri I Plovdağ və II Plovdağ nek-ropollarının göstərilən dövrlərə aid qəbrlərində aydın görürük.2021-01-01T00:00:00ZQarabağın qədim abidələri
http://hdl.handle.net/20.500.12323/5475
Title: Qarabağın qədim abidələri
Authors: İsmayılzadə, Qüdrət
Abstract: Rəşadətli ordumuzun istedadlı sərkərdə və dövlət başçısı Cənab İlham Əliyevin rəhbərliyi ilə başlanan Zəfər Yürüşü rəzil düşmən üzərində parlaq qələbə ilə qurtardı. 30 ilə yaxın düşmən tapdağında olan əzəli Qarabağ tor-paqları, Füzuli, Xocavənd, Qubadlı, Zəngilan, Laçın, Kəlbəcər, Cəbrayıl, Ağ-dam azad olundu. Bu qələbə nəticəsində Qarabağın misilsiz tarixi abidə-ləri də azadlığına qovuşdu. Ulularımızın əbədi yadigarları Azıx mağarası, Xocalı məzarlığı, çoxtəbəqəli Qaraköpəktəpə abidəsi, Arazın belinə gümüş kəmər kimi sarılan Xudafərin körpüləri, Kəlbəcərin daş salnaməsi və minlərlə digər abidələrimiz öz əzəli sahiblərinə qaytarıldı.2021-01-01T00:00:00ZDüzən Qarabağ Son Neolit dövründə
http://hdl.handle.net/20.500.12323/5474
Title: Düzən Qarabağ Son Neolit dövründə
Authors: Əliyev, Təvəkkül; Helving, Barbara
Abstract: Uzun fasilədən sonra, 2008-ci ildə Qalatəpə Antik və Orta əsr şəhər məskənində qazıntılara start verilməsi ilə Mil-Qarabağ düzündə arxeoloji təd-qiqatlar bərpa olundu. Ərazini nəzərdən keçirmək və əvvəllər qeydə alınmış abidələrin vəziyyətini öyrənmək məqsədilə kəşfiyyat işləri aparıldı, o cüm-lədən, hələ XX əsrin ortalarında qeydə alınmış Kamiltəpə qədim yaşayış yerində yoxlama şurf qoyuldu: çiy kərpicdən tikili qalığı açıldı, obsidian qəl-pələrindən əmək alətləri və saxsı məmulatı nümunələri toplandı. Bu abidənin antropogen təsir nəticəsində ciddi dağıntıya məruz qalması Azərbaycan-Almaniya birgə arxeoloji ekspedisiyasının 2009-cu ildə burada kompleks araşdırmalara başlamasına zəmin yaratdı. Sonrakı il bu əməkdaşlıq daha da dərinləşdi: AMEA Arxeologiya və Etnoqrafiya İnistitutu, Gürcüstan Milli Muzeyi, Almaniya Arxeolgiya İnistututu və Fransa Milli Araşdırmalar İnisti-tutunun müştərək təşkilatçılığı ilə Kür çayı hövzəsində yerləşən Son Neolit dövrünə aid üç abidənin öyrənilməsi qərara alındı. 2010-2012-ci illərdə “Qə-dim Kür” (“Ancient Kura”), 2013-2015-ci illərdə isə “Kür hərəkətdədir” (“Kura in Motion”) layihələri çərçivəsində Gürcüstan ərazisindəki Arıxlı (Aruxlo), Azərbaycanda – Tovuz rayonunda Menteştəpə qədim yaşayış yer-ləri ilə yanaşı, Mil düzündə Kamiltəpə və onun ətrafında da iri miqyaslı ar-xeoloji qazıntılar aparıldı. Bu tədqiqatlar təkcə Azərbaycanın deyil, bütövlük-də Cənubi Qafqazın Neolit dövrü mədəniyyətinin öyrənilməsində mühüm ad-dım oldu.2021-01-01T00:00:00ZQarabağın arxeoloji abidələri
http://hdl.handle.net/20.500.12323/5473
Title: Qarabağın arxeoloji abidələri
Authors: Cəfərova, Diana; Cəfərov, Hidayət
Abstract: Arxeoloji abidələrlə çox zəngin olan Azərbaycan bölgələrindən biri də Qarabağdır. Kür və Araz çayları arasında yerləşən bu bölgənin yaşayış üçün çox əlverişli iqlimi və münbit torpaqları vardır. Qarabağ bütün tarixi dövrlər-də Azərbaycanın ayrılmaz hissəsi olmuşdur. Ən qədim daş dövründən başla-yaraq bütün sonrakı dövrlərdə də bu bölgənin maddi mədəniyyəti Azər-baycanın digər bölgələrinin maddi mədəniyyəti ilə eyniyyət təşkil edir. Qarabağ toponimi isə xalis türk mənşəli olub orta əsrlərdə yaranmışdır2021-01-01T00:00:00Z