Birinci Türkoloji Qurultay və türk xalqlarının dil birliyi

Abstract

Monoqrafiyada 1926-cı ildə Bakıda keçirilmiş Birinci Türkoloji Qurultayın türk xalqlarının milli-mənəvi oyanışında, elmi-mədəni inkişafında və ideoloji düşüncəsinin formalaşmasında oynadığı tarixi rolu araşdırılır. Kitabda əlifba islahatı məsələsi yeni əlifbaya keçidin nəzəri və konseptual əsasları kontekstində şərh olunur, bu prosesin türk xalqlarının modernləşdirilməsinə təsiri göstərilir. Eyni zamanda ədəbi dil məsələsi lokal dil mühitindən ümumtürk kommunikasiya məkanına keçid ideyası əsasında araşdırılır. Müəlliflər qurultayın qəbul etdiyi qərarların türk xalqları arasında dil birliyinin və mədəni yaxınlaşmasının möhkəmlənməsindəki rolunu elmi faktlar əsasında təqdim edirlər. Kitabdan türkoloji dilçilik sahəsində tədris və tədqiqat aparan mütəxəssislər: professor-müəllim heyəti, gənc tədqiqatçılar, tələbələr, eləcə də geniş oxucu kütləsi faydalana bilər.