OSKİ/OSPİ: BACARIQLARIN QİYMƏTLƏNDİRİLMƏSİ METODLARI VƏ STANDARTLARI TƏLİMATI

Abstract

Bu metodik vəsait tibb və səhiyyə təhsili sahəsində çalışan təhsilverənlər üçün Obyektiv Strukturlaşdırılmış Klinik və Praktik İmtahanların (OSKİ/OSPİ) mahiyyəti, tətbiq prinsipləri və təşkilati aspektləri ilə bağlı sistemli məlumat təqdim edir. Sənəddə klinik simulyasiya vasitəsilə bacarıqların qiymətləndirilməsi, tədris məqsədləri ilə qiymətləndirmə metodlarının uyğunlaşdırılması və OSKİ/OSPİ stansiyalarının qurulması mərhələləri ətraflı şəkildə izah olunur. Həmçinin, imtahanın təşkili və keçirilməsi, qiymətləndirmə meyarlarının (çek-list və rubriklərin) hazırlanması, tələbə və dəyərləndirici hazırlığı ilə bağlı praktiki tövsiyələr də əhatə edilmişdir. Vəsait təhsilalanların klinik və praktiki bacarıqlarını obyektiv, standartlaşdırılmış və etibarlı şəkildə qiymətləndirməyi hədəfləyən strukturlu yanaşma təqdim edir. Bu baxımdan, sənəd, səriştəyə əsaslanan tibbi təhsilin qiymətləndirmə mərhələsinin təkmilləşdirilməsi üçün əhəmiyyətli mənbədir.