Mebel şirkətlərinin Instagram mesaj strategiyalarına istehlakçı reaksiyalarının tədqiqi Embawood və Ikea nümunəsində

Abstract

Müasir dövrdə rəqəmsal transformasiya biznes strategiyalarını köklü şəkildə dəyişdirmiş, xüsusilə sosial media platformaları marketinq kommunikasiyalarının əsasını təşkil etmişdir. Sosial medianın yüksəlişi ilə şirkətlər istehlakçılarla birbaşa və interaktiv əlaqə qurmaq imkanı əldə etmiş, bu da brend bilinirliyini, müştəri sədaqətini və satışları artırmaq üçün yeni imkanlar yaratmışdır. Mebel sektoru kimi vizual estetikaya əsaslanan sənayelərdə Instagram kimi platformalar xüsusi əhəmiyyət kəsb edir, çünki məhsulların təqdimatında vizual təsir və emosional bağlılıq mühüm rol oynayır. Bu kontekstdə, mebel şirkətlərinin Instagram-da istifadə etdikləri mesaj strategiyalarının istehlakçı reaksiyalarına təsiri mühüm tədqiqat mövzusudur.Tədqiqat mebel şirkətlərinə Instagram-da effektiv marketinq strategiyaları qurmaq üçün konkret təkliflər təqdim edir. Təkliflər mesaj strategiyalarının diversifikasiyası, video məzmunun artırılması, interaktiv elementlərin tətbiqi və açar sözlərin optimallaşdırılması kimi sahələri əhatə edir. Bu, xüsusilə yerli brendlər üçün rəqabət üstünlüyü qazanmaq və qlobal brendlər üçün regional bazarlara uyğunlaşmaq baxımından dəyərlidir.