Məktəblərdə bullinq və kiberbullinq haqqında təsəvvürlər və onlarla mübarizə üsulları

Abstract

Bu tədqiqatın məqsədi şagirdlər arasında yayılmış bullinq və kiberbullinq haqqında təsəvvürlərinin öyrənilməsi və onlarla mübarizə tədbirlərinin araşdırılmasıdır. Əlavə olaraq tədqiqatın digər alt məqsədi Azərbaycanda bullinq və kiberbullinqlə bağlı durumun öyrənilməsi və uyğun tədbirlərin görülməsinə mayak olmaqdır. Tədqiqatda keyfiyyət metodunun fenomenologiya modelindən istifadə olunmuşdur. Araşdırmada məlumatlar məlumatın dərin və tam əldə edilməsi məqsədilə yarı-strukturlaşdırılmış müsahibə forması ilə əldə edilmişdir. Tədqiqat prosesində əsasən müəllimlərin və şagirdlərin fikirlərinə müraciət edilmişdir. Müsahibə iştirakçıları qartopu modeli ilə seçilmiş və əldə edilən datalar məzmun analizinə tabe tutulmuşdur. Müsahibə həm müəllimlərlə, həm də şagirdlərlə üz-üzə olaraq aparılmışdır. Tədqiqatın nəticəsində bullinqin digər ölkələrin məktəblərində olduğu kimi Azərbaycan məktəbliləri arasında geniş yayıldığı görülmüşdür. İKT-nin daha geniş yayılması şagirdlərin kiberbullinqə məruz qalma faizini də artırmaqda və yeni tədbirləri labüd hala gətirməkdədir.