XXI əsr bacarıqları və onların şagird nailiyyətlərinə təsiri (5-9 siniflər)

Abstract

“XXI əsr bacarıqları” müasir dövrdə tez-tez işlədilən anlayışdır. İnkişaf edən, formalaşan dünyada xüsusilə önəm kəsb edən bu anlayışa əsas diqqət təhsil sahəsində verilmiştir. Çünkü təhsil sahəsi elə bir sahədir ki, gələcəyin bütün ixtisasları bu sahənin keyfiyyətinin nəticəsində özünü doğruldur. Bu səbəbdən də məktəblərdə şagirdlərin bu bacarıqlara yiyələnə bilməsi təhsil sisteminin əsas məqsədlərindən biridir. Tədqiqatın əsas məqsədi ümumtəhsil məktəbdlərində (5-9 siniflər) “XXI əsr bacarıqları”nın inkişaf səviyyəsinin hansı səviyyədə olduğunu ölçmək, eyni zamanda bu bacarıqların şagird nailiyyətlərinin göstəriciləri arasındakı əlaqəni aydınlaşdırmaqdan ibarətdir. Bu araşdırmada kəmiyyət tədqiqat metodlarına daxil olan anket-sorğudan istifadə edilmiştir. Bakı şəhərində yerləşən 296 nömrəli tam orta məktəbdə 5, 6, 7, 8, 9 siniflərdən hər birindən 1 sinif olmaqla sorğuda iştirak etmişlər. 5-ci sinifdən 27, 6-cı sinifdən 25,7-ci sinifdən 28, 8-ci sinifdən 26, 9-cu sinifdən 27 şagird, ümumiliktə isə 133 şagird sorğuda iştirak etmişdir. Sorğuda iştirak edən şagirdlərin müvəffəqiyyət göstəricilərini əks etdirən məlumatları alınmış, həmin məlumatlarlar ilə şagirdlərin anket-sorğu cavabları qarşılaşdılırıb, aralarındakı əlaqəyə baxılmışdır.