Əhməd Ağaoğlu yaradıcılığı Türkiyə ədəbi, ictimai-siyasi həyatında

Abstract

Dissertasiya mövzunun aktuallığı, əldə edilmiş nəticələri və yenilikləri ilə nəzəri, elmi və praktik əhəmiyyətə malikdir. Azərbaycan mühacirət irsinin mərhələ və problemlərini, strukturunu öyrənmək baxımından nəzəri səciyyə daşıyır. Dissertasiyanın nəzəri əhəmiyyətini şərtləndirən faktorlar içərisində Türkiyə və Azərbaycan mühitinin inkişaf yolunu, istiqamətlərini, eləcə də bir-birilə qarşılıqlı əlaqələrini öyrənməyə imkan verir. Dissertasiyanın praktik əhəmiyyəti ondan ibarətdir ki, Türkiyə və Azərbaycan mühitinin problemlərini, inkişaf yolunu və konkret olaraq Ə.Ağaoğlu yaradıcılığına aid işin müddəaları və elmi yenilikləri ali məktəblərin filoloji fakultələrinin tələbələri, magistrantları üçün elmi-nəzəri baza kimi gərəklidir. Eyni zamanda, tədqiqat işindən Azərbaycan mühacirət ədəbiyyatı xüsusi kursu, yaxud seçmə fənn kimi də istifadə edilə bilər. Tədqiqat işi Ə.Ağaoğlu və mühacirət irsi ilə bağlı gələcəkdə aparılacaq elmi araşdırmaların yazılmasında da etibarlı mənbə rolunu oynaya və istifadə oluna bilər.