Artıq çəkidən əziyyət çəkən insanların stress səviyyəsinin təhlili

Abstract

Dissertasiya işi giriş, 3 fəsil, nəticə, ədəbiyyat siyahısı və mövzuya dair əlavələrdən ibarətdir. İşin əsas hissəsində artıq çəki və piylənmə haqqında bəhs edilmiş, onun qadınlarda, kişilərdə və uşaqlarda yaratdığı stress səviyyəsi arasında əlaqə təhlil olunmuşdur. Dissertasiya işinin üçüncü fəslində artıq çəkili insanlarda stress səviyyəsinin təhlilinə və artıq çəkidən əziyyət çəkən insanların stress ilə mübarizə aparmaq baçarıqlarının normal çəkidə olan insanlara görə müqaisəsinə yönəlmişdir. İşin tədqiqat hissəsi artıq çəkiyə məruz qalmış insanların stressdən sonra psixoloji vəziyyətlərindəki dəyişiklikləri öyrənməyə imkan verir ki, bu da artıq çəki və piylənməyə məruz qalmış qadınlar üçün psixoloji mərkəzlərin və sosial xidmətlərin fəaliyyətinin psixoloji istiqaməti üçün vacib bələdçi ola bilər. Tədqiqatın məqsədi Azərbaycanda və eləcə də dünyada stressə məruz qalındığı zaman kilolu insanların psixoloji vəziyyətini öyrənmək, onlarda stress simptomlarının hansı nisbətdə müşahidə olunduğunu müəyyən etmək və stress ilə qidalanma iştahı arasında əlaqənin olub-olmadığını müəyyənləşdirməkdir. Aparılan tədqiqatın nəticələrinin təhlili qarşıya qoyulan məqsədə nail olunduğunu göstərir. Tədqiqatın aparılması zamanı sistemli və müqayisəli təhlil, analitik tədqiqat metodlarından və s. metodlardan istifadə olunmuşdur. Tədqiqatın nəticələrindən bu sahədə çalışanlar, tələbələr və bu sahəyə marağı olan şəxslər istifadə edə bilər.