Ümummilli Lider Heydər Əliyevin hakimiyyəti dövründə Azərbaycan ilə Türkiyənin iqtisadi və ticarət əlaqələri

Abstract

Azərbaycan xalqının Ümummilli Lideri Heydər Əliyev 3 oktyabr 1993-cü ildǝ keçirilǝn tam demokratik sǝsvermǝ nǝticǝsindǝ Azǝrbaycan Respublikasının prezidenti seçilmişdir. Onun hakimiyyǝti dövründǝ sözün ǝsl mǝnasında bütün sahələri əhatə edən tam müstǝqil bir siyasǝt izlǝnmişdir. Bu siyasǝtin ǝsas qollarından biri dǝ şüphǝsiz ki, iqtisadi azadlıqdır. Bunun təmin edilməsi üçün başda qonşu ölkələr olmaqla, bir çox dövlətlə yaxın münasibətlərin yaradılması son dərəcə vacib idi. Türkiyə, Azərbaycanın xarici siyasətinin əsas istiqamətlərindən birini, hətta ən əsasını təşkil edirdi. Türkiyǝ ilǝ yaradılacaq münasibǝtlǝrin iqtisadi azadlıq məsələsində Azǝrbaycan üçün hǝyati ǝhǝmiyyǝtǝ malik olduğunu yaxşı bilǝn Heydǝr Əliyev hakimiyyǝtdǝ olduğu dövr ǝrzindǝ iki ölkǝ ǝlaqǝlǝrinin güclǝndirilmǝsi üçün böyük işlǝr görmüşdür. Qarşılıqlı ziyarǝt-lǝr, imzalanan müxtǝlif müqavilǝlǝr vǝ ǝldǝ olunan razılaşmalar bu mǝqsǝdǝ xidmǝt edirdi. İki ölkǝ xalqı arasındakı qardaşlığı vǝ tarixi birlikdǝliyi ǝsas alaraq hǝyata keçirilǝn bu siyasi addımların Türkiyǝ-Azǝrbaycan ǝlaqǝlǝrinin bu günkü sǝviyǝyǝ çatdırılmasında önǝmli rola malik olduğunu qeyd etmǝliyik.