Müasir dövrdə dini təsəvvürlərin gənclərin psixologiyasına təsirinin tədqiqi

Abstract

Dini inanclardakı kainat və insanlıq haqqındakı pozitiv fikirlər, insanın davranışı barədəki ideyalar cəmiyyət üçün faydalı olduğundan hər bir fərdə dini inancın düzgün mahiyyəti izah olunmalıdır. Dini fəaliyyət və dini münasibətlər zamanı adətən, dindar şəxsiyyətində dini və psixoloji kompleks sayılan müxtəlif növ psixoloji hadisə və reaksiyalar yaranır. Dini təsirlər haqqında düzgün fikirlərin yaradılması nəticəsində fərdin əxlaqi davranışında nümunəvi stimul yaranır. Şəxsiyyətin inkişafına dini təsəvvürlərin necə təsir etdiyi psixoloqların və psixopedaqoqların maraq dairəsindədir. Dini və dini təsirlər psixoloji və psixopedaqoji nöqteyi nəzərdən öyrənilməli olan inkişaf istiqamətidir. Bu səbəblərə görə “Müasir dövrdə dini təsəvvürlərin gənclərin şəxsiyyətinə təsirinin tədqiqi”mövzusunun tədqiqat obyekti kimi seçilməsi məqsədəuyğundur.