Hindistanda Azərbaycan şairləri (Səfəvilər dövrü)

Abstract

Səfəvilər dövründə ölkə ərazisindən Hindistan və Osmanlıya çoxlu sayda elm, ədəb əhli və sənətkarların gediş-gəlişi olmuşdur. Hindistana gedən şairlərin gediş səbəbi ya müxtəlif səbəblərə görə köçmək məcburiyyəti, ya ticarət və səyahət məqsədi, ya da Hindistanın zənginliyindən yararlanmaq məqsədi daşımışdır. Bir digər səbəb isə Hindistan şahlarının elm və mədəniyyət üçün uyğun və yüksək səviyyəli şərait yaratmaları idi. Hindistanda olan Azərbaycan şairlərinin bəziləri həmişəlik, bəziləri isə müəyyən müddət ərzində orada qalmışdırlar. Gedən şairlər, yeni ölkədə şairlik, yazıçılıqdan başqa müxtəlif peşələrə, hətta bir çoxu dövlətin hakim dairəsində yüksək vəzifələrə təyin edilmişdirlər.