2012-ci ilin dekabr ayından etibarən universitetdə “Khazar courier” adlı tələbə qəzeti nəşr olunmağa başlamışdır. Qəzet ingilis dili və ədəbiyyatı departamenti tərəfindən ingilis dilində nəşr olunur. Qəzet universitet tələbələrinin məqalələri, müsahibələri, bədii yaradıcılıqları və s. əsasında formalaşır, burada universitetdə baş verən yeniliklər, keçirilən görüşlər haqqında yazılar dərc olunur. “Khazar Courier” tələbələrin ingiliscə yazı və danışıq dili vərdişlərinin formalaşması, ingilis dilli mətbuat oxucularının sayının artırılması və s. məqsədi ilə yaradılıb.